-EA 2030eko Ikastetxeen sarea

Kaixo lagunok! 

 ADI EGON!!

AZTERKOSTA 2021 kanpaina irailaren 15ean jarriko da martxan!   

AZTERKOSTA 21 kanpainaren FOILETOA

Ekintza ezberdinen inguruko infornazioa ondoren duzue:

 
EGUTEGIA (data garrantzitsuekin).

 
LAGINKETA: kostalde-tarte baten ikerketa egiteko materiala eskatu ezazu.

 
IRTEERA DIDAKTIKOA: azterketa materialak gertutik ezagutzeko aukera goiz-pasa polit batean. Kontsulta ezazu Irteerari buruzko informazio zehatza.

 
ITSASMINEZ TXOTXONGILOAK: antzezlana ikastetxean gozatzeko aukera (informazio gehiago).

 
AZTERKOSTA TXIKI: Haur hezkuntza eta lehen hezkuntzako lehendabiziko ziklorako material egokitua itsasertzaren ekosistema ikasgelan lantzeko (informazio gehiago).

 
ERAKUSKETA: kostaldearen eta itsasoaren inguruko panelak 2 astez zuekin izateko aukera, edukiak lantzeko gida batekin batera (informazio gehiago).

 
LEHIAKETA: marrazki eta argazki modalitateak, eta adin guztientzako kategoriak (oinarriak irakurri).

Pasa den ikasturtean bezala AZTERTU NATURA kanpaina berria martxan jarriko da ere. Aurten, gure KOSTALDEKO EKOSISTEMA esanguratsuenak zein MENDI EKOSISTEMAK ikertzeko aukera izango duzue (informazio gehiago).

Kaixo lagunok!

AZTERKOSTA 2021 kanpainan laginketa materialak eskatu dituzuen taldeei zuzendutako mezua da hau.
Lehenik eta behin, eskerrak eman nahi dizkizuegu erakutsi duzuen konpromisoagatik, talde asko izan baitzarete AZTERKOSTA kanpainan izena eman duzuenok.
Talde batzuen emaitzak jada jaso ditugu, eta beste batzuenak laster jasoko ditugula badakigu. Dena den, ez larritu, ABENDUAK 17 arte duzue jasotako datuak gurekin partekatzeko.



ZER BIDALI BEHAR DA?
Betetako Txosten Orokorra eta galdetegiak lortutako emaitzekin. Guztiak bidaltzen badituzue, hobe. Bestela esanguratsuenak bidali ditzakezue (puntu ezberdinetan egin direnak, edo gauza desberdinak adierazten dituztenak).
Argazkiren bat atera baduzue galdetegiekin batera bidaltzea eskertuko genizueke.

NOLA BIDALI? Hiru aukera dituzue
1. Posta elektronikoz aztertu@euskadi.eus helbidera. Horretarako, paperean betetako galdetegiei argazki bat atera edo eskaneatu, eta ondoren erantsi bidaltzen duzuen mezuan.
2. Posta arruntaz (kartaz) edozein INGURUGELAra bidali **Mesedez, bide hau aukeratzen baduzue “AZTERTU-ri zuzendua” jarri gutunazalean, erreferentzia bezala.
• INGURUGELA BILBO. Ondarroa kalea 2. 48006 Bilbao.
• INGURUGELA DONOSTIA. Basotxiki kalea 5. 20015 Donostia.
• INGURUGELA LEGAZPI. Brinkola auzoa z/g. 20220 Legazpi.
• INGURUGELA GASTEIZ. Baiona kalea 56-58. 01010 Vitoria-Gasteiz.
• EIBARKO BERRITZEGUNEA (INGURUGELA). J.A.Iturrioz Kalea, 5. 20600 Eibar

3. Zuzenean eraman INGURUGELAra, edota, Eskolako Agenda 2030eko bileretara bazoazte, bertara eraman ditzakezue kideari eskura emateko.


EZ DUT LAGINKETA EGIN, ETA ORAIN?
Ezin izan baduzue laginketa hiruhileko honetan burutu, mesedez, jar zaitezte gurekin kontaktuan jakinaren gainean egoteko. Jarduera burutzeko epe berri bat ezarri genezake, edo, horren ordez, materialak bueltatzeko pausoak zehaztuko genituzke.

 

AZTERTU PROGRAMA

902.160.138

aztertu@euskadi.eus

AZTERTU programatik AZTERKOSTA LEHIAKETAn parte hartzera animatu nahi zaituztegu, "GURE KOSTALDEA" leloaren inguruko gogoeta artistikoa eginez.
Parte-hartzea zabalik dago eta edonork bere obra aurkeztu dezake: ikastetxeak (ikasle eta irakasleak), elkarteak, denbora libreko taldeak, banakakoak, etab.
Kontuan izan, obra bakoitzarekin batera egilearen datuak behar ditugula. Gauzak argi izateko irakurri LEHIAKETAREN OINARRIAK.

NOLA AURKEZTU NIRE LANA?
MARRAZKIAK kartaz bidali daitezke edozein INGURUGELAra. Kasu honetan, gutunazalean honako erreferentzia hau jarriko dugu (REF: AZTERTU). Lana bertara zuzenean eraman dezakegu ere bai.
• Bilboko Ingurugela: Ondarroa 2. 48004 BILBAO
• Gasteizko Ingurugela: Baiona 56-58. 01010 VITORIA-GASTEIZ
• Donostiako Ingurugela: Basotxiki 5. 20015 DONOSTIA
• Legazpiko Ingurugela: Brinkola auzoa z/g. 20220 LEGAZPI
• Eibarko Berritzegunea: J.A.Iturrioz Kalea 5, 20600 EIBAR.

MARRAZKIAK formatu digitalean ere aurkeztu daitezke. Horretarako, ESKANEATU edo ARGAZKI BAT ATERA. Ondoren irudia aztertu@euskadi.eus helbidera bidali (JPG, PNG, TIFF…).

ARGAZKIAK formatu digitalean aurkeztuko dira beti, posta elektronikoz aztertu@euskadi.eus helbidera bidaliz (JPG, PNG, TIFF…).





LANAK AURKEZTEKO AZKEN EGUNA:
ABENDUAK 17 (barne).
Kartaz bidaltzen baduzue, posta zerbitzuko zigiluaren data kontuan hartuko da.


Informazio gehiagorako hemen 

AZTERTU PROGRAMA

902.160.138

aztertu@euskadi.eus

www.euskadi.eus/aztertu

Kaixo lagunok!

IBAIALDE 2022 kanpaina gaur bertan, otsailaren 14ean, jarriko da martxan!

Ekintza ezberdinen inguruko informazioa ondoren duzue:

 
• EGUTEGIA (data guztiekin). 

• LAGINKETA: ibai baten ikerketa egiteko materiala eskatu.

• IRTEERA DIDAKTIKOA: Ibaialde kanpaina gertutik ezagutzeko aukera, goiz- pasa polit batean. Irteerari buruzko informazio osoa plangintza eta ordutegi zehatzarekin laster helaraziko zaizue. 
• TXOTXONGILOAK: “Erreka Mari” antzezlana ikastetxean gozatzeko aukera (informazio gehiago).
• IBAIALDE TXIKI: Haur hezkuntza eta lehen hezkuntzako lehendabiziko ziklorako material egokitua ibaiaren ekosistema ikasgelan lantzeko (informazio gehiago). Berria
• ERAKUSKETA BERRIA: ibai ekosistemaren inguruko panel berriak 2 astez zuen zentroan izateko aukera, eduki berriak lantzeko gida batekin (informazio gehiago).
• LEHIAKETA: marrazki eta argazki modalitateak, eta adin guztientzako kategoriak (oinarriak irakurri).
• X. EKINAREN ASTEA. Aurten, maiatzak 16-22 bitartean ingurumenaren aldeko ekintzen astea ospatuko dugu. Anima zaitez eta parte hartu! (oinarriak irakurri)
• Aurreko edizioko parte hartzaileen IX. EKINAREN ASTEA

Gogoratu!

AZTERTU NATURA kanpaina martxan jarraitzen duela 2021/2022ko ikasturte osoan zehar. 

Aurten, gure KOSTALDEKO EKOSISTEMA zein MENDI EKOSISTEMAK ikertzeko aukera izango duzue. 

• Laginketari buruzko informazio gehiago.

HAUR HEZKUNTZA eta LEHEN HEZKUNTZArako ekintza zehatzak ere badaude!

 
• NATURA TXIKI   (2021/2022 ikasturterako plaza agortuak)
• NATURA IKUSKIZUNA   (2021/2022 ikasturterako azken plazak)  ADI EGON!!!